بند الدهانات

 
أول حاجة بتفكر فيها انك تجهز الحوائط علشان نبتدي دهان علي نظيف بص ازاي يا سيدي
اول حاجة تعملها تبتدي تشيل حاجة زائدة فوق سطح البياض ناتجه عن أعمال جبسيه أو ما شابه اللي متخليش الدهان يثبت صح
أي مرمات موجوده تبتدي تعملها علشان خلاص داخلين علي اخر مرحلة و تبتدي كمان تتاكد من كل وصلات الكهرباء انها في مكانها والدنيا تمام مفيهاش مشكلة
بعد كده نبتدي تجهيز الحوائط بحجر جلخ لإزالة أي ريجه أو عيوب بالتخشين كنس الحوائط جيدا بمكنسه خشنه لإزالة الرمال الاتربة الناتجه عن حجر التجليخ ثم عزل جميع الأشياء التي تحتاج الي عزل ) نظافة السطح يعني سيبك من المصطلحات المهم تفهم)
ثانيا البدء نخش بقى في مرحلة الدهانات
لازم تكون محدد اى نوع من الدهانات اللي هتستخدمها زيت أو بلاستيكوحاليا معظم الناس بتفضل البلاستيك لسهولة التشغيل ولأنه لا يعتمد كثيرا علي صنايعية شديدي المهارة وبسبب التطورات الرهيبة في صناعة الخامات و لاسباب كتير ثانية بلاش زيت يعني
تحديد مستوي العمل حتي يتم اختيار خامات مناسبة فالدهان عالي الجودة غير الشعبي غير الوسط من الاخر كله بثمنه حسب ما ناوي تدفع وحسب الجودة كمان   كده نبقي جهزنا للتنفيذ بعد تجهيز السطح 

 نخش بقى في التنفيذ
خطوات التنفيذ
اول حاجة يتم تجليخ الحوائط بأحد أنواع السيلر المائي في حالة انك قررت تسمع الكلام وتعمل بلاستيك أو خليط من الزيت والنفط في حالة الدهانات الزيتية وهي لا أفضلها لأنها تحتاج مهارة خاصة في تضريب المواد بلاش تأسس زيت غير اللي علي درايه جيده بيه بنحذر اهووو
بعد التجليخ تبدأ مرحلة المعجون
تسحب سكينه طول مع مراعاة الدبابيس والرايش وعدم سماكة طبقة المعجون ونعومة الطبقة المسحوبة (الكوي) وتعتمد علي الفني ، بعد انتهاء السكينة الأولى تترك يوم أو أكثر ثم تبدأ السكينة الثانية بصنفرة السكينة السكينة الأولى صنفرة سريعة ، تبدأ السكينة الثانية وتكون عمودية علي اتجاه السكينة الاولي وبلون مختلف عنها وبنفس طريقة السكينة الأولي تترك لمدة يومين ثم تصنفر جدا ويتم تطهير السطح لتبدأ عمليه البطانة
*البطانة*
اختيار نوع مناسب من الدهان وتخفف بالنسبه المسموح بها توضع علي الحائط بواسطة الرولا مع مراعاة عدم التقطيع والتشبيح والتسيل ونعومة الحبيه أي لا تكون الحبايه بارزه وواضحه ثم تترك حتي تجف وتبدأ عملية التلقيط عن طريق صنفرة الحائط صنفرة سريعة و وضع كشاف أسفل الحائط لاظهار العيوب وسحب كمية من المعجون في الأماكن التي تحتاج الي تلقيط ويستحسن ان يكون المعجون بلون قريب من البطانة يتم صنفرة الحائط جيدآ ويكون بهذا الوضع علي التشطيب
*التشطيب*
يجي بقا دورك في تحديد نوع التشطيب للحائط وده بيبقى علي حسب الذوق و التكلفة والمساحة والغرض وحاجات ثانية كتير وعموما دى امثلة لانواع التشطيب اللي ممكن تستخدمها وطبعا في حاجات تانية بس دول من أهمها  
الدهان الساده
اللكيه المغسول
الاسبونش العاده أو المهفوف
الكركليه
المربليز) الترخيم)
التمشيط رأسي أو افقي أو كروه
الرش الأمريكي
الجلاكوت
الأستك
ورق الحائط
علاوة على تشطيب الأعمال الجبسية