بند المبانى

 بند المباني اللي هي ( الطوب )  و اللي بيعتبر أول و من أهم بنود التشطيبات
يهمنا جدا انك تعرف شوية حاجات أساسية في استلام الطوب زي مثلا
١ - افقية الحيطة و رأسيتها
٢- لو عديت عالصنايعية و هما شغالين اتأكد انهم حاطين نسبة اسمنت كويسة للمونة عشان الطوب يمسك في بعضه و النسبة دي بتكون ٣٥٠ كجم / م٣
٣- اتأكد ان الحيطة فيها مدماك ربط و ده بيبقي صف طوب مصمت بيتعمل بعد ٣ مداميك ( صفوف) طوب احمر .
٤- لازم برضه تعرف ان اصول الصناعة يبقي الطوب حوالين الابواب و الشبابيك طوب مصمت عشان الحلق يمسك في الطوب كويس بكانات
٥- أي مدماك جنب الخرسانة يفضل يبقي طوب مصمت عشان لما تثبت سلك الشبك بمسمار يتثبت كويس و ميشرخش الطوبة
٦- بالنسبة للحمام و المطبخ بيبقي اول 1.2 متر من ارتفاع الحيطة طوب مصمت و ان كان يفضل يتعمل كله مصمت لمقاومة الرطوبة
٨- لازم تتأكد ان الحيطة (متشحطة) بتلاقي فيها من فوق حتة خشبة كده مدفونة و ده لتثبيت الحيطة .
٩-الصنايعي و هو شغال اتأكد انه داقق ( كانات ) في الاعمدة و دي بتبقي لتثبيت الحيطة برضه و الكانات دي بتبقي حتة حديدة كده سمكها حوالي 0.5 سم ليها شفة بتتثبت في العمود

دي كانت يمكن اهم معلومات مهم جدااااا تعرفها لو هتستلم شقتك عالطوب او لو لسه هتبني